Алматыда самокатпен тротуарда жүруге тыйым салынады
2026 жылы Алматыда электр самокаттармен тротуарлар арқылы жүруге тыйым салынады. Олар үшін арнайы жолақтар салу жоспарланып отыр, деп журналистерге Алматы әкімінің орынбасары Алмасхан Сматлаев мәлімдеді,- деп хабарлайды brifing.kz
Оның айтуынша, жалпы алғанда қалада шамамен 80 шақырым жаңа жол қосылады.
Сматлаев сондай-ақ Алматыда 22 500 прокаттық самокат бар екенін, олардың күн сайын шамамен 100 мыңға жуық сапар жасайтынын атап өтті.
Бұған дейін Қазақстан Республикасы Ішкі істер министрінің орынбасары Игорь Лепеха самокатшыларды тротуарлардан шектеуге мүмкіндік беретін заңнамаға өзгерістер енгізу туралы айтқан болатын. Алайда бұл түзетулер әлі қабылданған жоқ.
2025 жылдың тамыз айында Қазақстандағы ірі кикшеринг компаниялары самокатпен ереже бұзатындарға қарсы күресу үшін техникалық шектеулер енгізуге міндеттелген еді.